barua

Barua uloandika katika mwezi wapili

Umetuma menifika siku jumapili

Kukujibu ninataka kuanza kuinakili

Maneno mepangika mistari ya jamali

Nakshi zakushuka mezipanga kweli kweli

Lakini nina shaka mawazo kuyakubali

Umesifu muafaka eti njema dalili

Tena warukaruka wausifu kula haliBarua uloandika katika mwezi wapili
Umetuma menifika siku jumapili
Kukujibu ninataka kuanza kuinakili
Maneno mepangika mistari ya jamali
Nakshi zakushuka mezipanga kweli kweli
Lakini nina shaka mawazo kuyakubali
Umesifu muafaka eti njema dalili
Tena warukaruka wausifu kula hali
Wazipuuza shaka kwa pupa yakukubali
Maoni nakupa shika japo mimi nikombali
Daima kuaminika watu hao ni muhali
Chunga weka shaka muafaka mushkeli
Khofu moyo menifika madhubuti kwa dalili
Miaka iloyoondoka ulishinda kila hali
Kiti chako kakutoka kwa maguvu ukatili
Basi nakupa shika busara hii kalili
Muafaka tarajika uwe kitu cha halali
Lakini ukivunjika takulaumu dalali
Machozi tanimwaika nachelea udhalili
Kuchukua uloweka sikama kutupa mbali
Kama huo uhakika cheo chako ufahali
Kalamu yangu naweka kwa karatasi yapili
Majibu yako nataka japo maneno mawili
Uyatume kunifika yanitulize akili